26/11/08

Orfeo e Eurídice nas Metamorfoses de Ovidio con guía de lectura


O profesor Xosé Manuel Otero ofrécenos a tradución do mito de Orfeo e Eurídice segundo as Metamorfoses de Ovidio e eu mesmo en colaboración con el poño a disposición unha breve guía de lectura do texto ovidiano.

Texto Orfeo e Eurídice

Guía de lectura de Orfeo e Eurídice

24/11/08

Chiron en Santiago ou unha oportunidade para que os clásicos galegos se poñan en camiño

Esta fin de semana, un grupo de oito centauros chironianos desembarcaron en Santiago de Compostela, dispostos a dar un curso titulado "Chiron: clásicas 2.0 na aula", organizado pola sección de Galicia da SEEC (Sociedad Española de Estudios Clásicos), dentro dos programas de formación do profesorado da Universidade de Santiago. Podedes ver a crónica da experiencia no blog Doceo et Disco e enVoces griegas e tamen fotos do evento. Os meus parabéns a Álvaro, verdadeira referencia dos clásicos galegos na rede, pola organización e a paixón que pon neste eido.
Pola miña parte tiven o pracer de coñecer a centauros que aínda non coñecía e ver cómo o grupo se crece ante as dificultades. Agradecer tamen a paciencia dos profesores ante as dificultades técnicas e animalos a emprender esta nova vía.
O meu desexo, e o de todo Chiron, é que comencen a aflorar blogs, wikis e aulas virtuais nos nosos lares, pouco a pouco pero sen pausa.
Como di a centauresa Ana: compartir é multiplicar e en Galicia seguro que temos moito que compartir e quizáis non coñeciamos os medios para facelo.
Como se comentou no curso, en Galicia temos moito por facer e o terreo é practicamente virxe: blogs de profesores, de alumno, de aula; entradas na galipedia; aulas virtuais...
Boa sorte aos participantes na fase virtual e moitos ánimos. Confío en que pronto se verán os froitos.

17/11/08

Materiais para 2º de Bacharelato Latín

No blog O olmo dos falsos soños xestionado polo profesor Xosé Manuel Otero atoparedes abundante material para Latín de 2º de Bacharelato de cara as probas de Selectividade.
Dende unha guía de lectura para os poemas de Catulo e a traducción dos mesmos en galego, o tema da lírica romana, o tema da épica e Virxilio e as primeiras entregas dos aforismos e topónimos 2008-2009.

14/11/08

Obradoiros de escrita romana e de moedas gregas e romanas

Neste enlace tedes cumplida conta dos obradoiros de escrita romana e de moedas gregas e romanas que levamos a cabo no noso centro e que poden facerse noutros lugares e niveis.

Obradoiros de escrita romana e de moedas gregas e romanas.

Materiais para traballar con Catulo na aula

Aquí podedes consultar materiais para traballar a lectura dos poemas de Catulo. Todos deberiamos agradecer a Xosé Manuel Otero todo o seu traballo e a magnifica traducción dos poemas de Catulo ao galego.

Guía de lectura dos poemas de Catulo