Wiki colaborativa sobre a Selectividade en Galicia (Latín e Grego)

Na wiki de Chiron ven de abrirse un apartado sobre a Selectividade en Galicia na materia de Latín e na materia de Grego onde se poden consultar os exames e criterios así como os materiais que todos nos estamos a facer para renovar os clásicos na nosa terra. Anímovos a ir engadindo de forma colaborativa os materiais que vaiades facendo neste eido.

Píramo e Tisbe (tradución e guía didáctica)

Xa podedes ler a histoira de Píramo e Tisbe en galego na tradución de X. Manuel Otero e contestar as preguntas da guía de lectura. Intentade tamén describir os distintos cadros do "cómic" que forma a imaxe desta entrada.

Orfeo e Eurídice nas Metamorfoses de Ovidio con guía de lectura

O profesor Xosé Manuel Otero ofrécenos a tradución do mito de Orfeo e Eurídice segundo as Metamorfoses de Ovidio e eu mesmo en colaboración con el poño a disposición unha breve guía de lectura do texto ovidiano.

Texto Orfeo e Eurídice

Guía de lectura de Orfeo e Eurídice

Materiais para 2º de Bacharelato Latín

No blog O olmo dos falsos soños xestionado polo profesor Xosé Manuel Otero atoparedes abundante material para Latín de 2º de Bacharelato de cara as probas de Selectividade.
Dende unha guía de lectura para os poemas de Catulo e a traducción dos mesmos en galego, o tema da lírica romana, o tema da épica e Virxilio e as primeiras entregas dos aforismos e topónimos 2008-2009.